Author Topic: जात - पात  (Read 478 times)

Offline Asu@16

  • Jr. Member
  • **
  • Posts: 246
जात - पात
« on: December 25, 2017, 07:24:36 PM »
  जात - पात

फूल म्हणाले धरतीला,
कां ग माते भेद केला ?
शुभ्र पांढरा मोगरा, बगळा
मी का मग निळा - सावळा ?
एकच माती, एकच नाती
कां मग ह्या वेगळ्या जाती ?
         धरती म्हणाली एेक बाळा,
         काळा गोरा, नसे वेगळा.
         राधा गोरी, कृष्ण काळा,
         सिता उज्वल राम सावळा.
         शुभ्र सावळी, निर्मल काया
         निसर्ग निर्मित केवळ माया.
         रंगांचे हे भेद मनोहर,
         दोघांचेही अंतर सुंदर.
         नको बावरू, सावर बाळा
         शुभ्र सावळा भेद बावळा !
         कुणा आवडे राधा गोरी
         कुणा आवडे श्याम सावळा
         एकच माती जन्माची
         एकच माती मरणाची.
         सुगंध तुझा उधळित रहा
         आयुष्य दुजांचे खुलवित रहा
         जात पात, कां करशी खंत ?
         आयुष्य असे अनादि अनंत
         आयुष्याचा तू घे आनंद
         सांगून गेले संत महंत

- अरूण सु.पाटील

https://www.facebook.com/AsuChyaKavita

Marathi Kavita : मराठी कविता