Author Topic: मी माझं गाव पाहिलं  (Read 490 times)

Offline Lalit Patil Sunodekar

  • Newbie
  • *
  • Posts: 6
मी माझं गाव पाहिलं
« on: October 21, 2018, 01:52:13 PM »
मी माझं गाव पाहिलं,
वास्तवापेक्षा वेगळच दिसलं,
हिरवेगार झाडांऐवजी,
विस्कटलेली बाभळं दिसली.....

हादरा बसला जीवाला,
पाहिलं जेव्हा गोठ्याकडे,
दावांशिवाय दुसरं दिसलंच नाही,
माझ्या गोठ्यामध्ये......

जमिनीवर पडलेल्या भेगा,
माझ्या बापाच्या टाचेवरती दिसल्या,
गाव सोडून चांगलं केलं,
म्हणत अश्रु ढाळत दिसला.......

तरुण ताठी मिञाचा फोटो,
घराच्या भिंतीवरती पाहिला,
बालपणी झोका खेळणार्या पिंपळावरती,
गळा टांगूनी घेतला.......

असा कसा हा दुष्काळ,
माझ्या गावावरती आला,
हिरवीगार शाल ऐवजी,
विस्कटलेली बाभळं घेवून आला....

                        - ललित पाटील सुनोदेकर-

Marathi Kavita : मराठी कविता