उशीर

[drapkulkarni]

उशीर

तीही समीप होती, पुनवेस चांदराती
अन बात छेडण्याची, फक्त देर होती
*
नक्षत्र पाहतांना, थोडीच रेलली ती
आधार द्यावयाची, फक्त देर होती
*
ठावे मलाही होते, अनभिद्न्य तीही नव्हती
शब्दात सांगण्याची, फक्त देर होती
*
आतूर भावनाही येऊन दाविते ती
डोळ्यात वाचण्याची, फक्त देर होती
*
तिसरे कुणीही नव्हते, दोघात रात होती
वाटून घ्यावयाची, फक्त देर होती
*
गेल्या अशाच राती, कां दूर राहते ती?
सर्वास कारणेही, फक्त देर होती
-अशोक