** कधी कधी.. **

[Lyrics Swapnil Chatge]

*** कधी कधी ***

कधी कधी वेडे मन का हरवते ,
कधी कधी एकटे एकटे झुरते ;
कधी कधी वाट हळवी चालताना,
का अशी पून्हा संपते कधी कधी ...

कधी कधी भावनेच्या सागरात बुडते,
कधी कधी शब्दाच्या लहरीत तरंगते ;
कधी कधी काव्यातील अबोल भाव,
न बोलता सारे जाणून घेते कधी कधी...

कधी कधी रेशीम स्वप्न उसवते,
कधी कधी आठवाचे क्षण सुलगते ;
कधी कधी नकळत का पून्हा असे,
अलगद हातून हात सुटते कधी कधी...

कधी कधी मन एकातात झूरते,
कधी कधी सावलीस बिलगते ;
कधी कधी रेतीसारखे का असे,
हातून पून्हा ढासळते कधी कधी  !!


**कु.स्वप्नील चटगे.**
(अबोल मी)
दि.16.11.2014.