ते पण एक वय असतं
दिवसभर पाळण्यात झोपायचं
सगळ्यांकडून कौतुक करून घेण्याचं
ते पण एक वय असतं
हाफ चड्डीत गावभर फिरायचं
आईची नजर चुकवून डब्यातलं खायचं
ते पण वय असतं
मुलींचे स्क्रॅपबुक्स भरायचं
आणि तरीही त्यांच्याशी बोलायला लाजायचं
ते पण एक वय असतं
घरी खोटं बोलून पिक्चरला जायचं
आवाज म्युट करून रात्री एफटीव्ही पाहायचं
ते पण एक वय असतं
तिच्यावरच खरं प्रेम तिला सांगून टाकायचं
तिच्या उत्तराची वाट पाहात रात्रंदिवस झुरायचं
ते पण एक वय असतं
आता छोकरी नंतर नोकरीच्या मागे लागायचं
पॅकेजचा विचार करत बीई ची स्वप्न पाहायचं
ते पण एक वय असतं
लग्नाच्या डोमिनियम स्टेटसआधी तारुण्यातला टोटल
इन्डिपेंडन्स आठवायचं
आई आणि बायकोत कितीही भांडणं झाली तरी आपण
मात्र शांत राहायचं.
ते पण एक वय असतं
प्रिमियम्सच्या चिंतेत रात्रभर जागायचं
शेअर मार्केटच्या तालावर आपल्या इन्व्हेस्टमेंटस्ना
नाचवायचं
ते पण एक वय असतं
आपल्या मुलांचे सगळे हट्ट पुरवायचं
त्यांच्यासाठी स्थळ शोधताना आपलं तारुण्य आठवायचं
ते पण एक वय असतं
सगळ्या जबाबदाऱ्या पार पाडल्यावर गॅलरीत पाय
पसरून बसण्याचं
आभाळाकडे पाहात फक्त त्या निर्देशाची वाट
पाहण्याचं.
Author : Unknown
Topic: ते पण एक वय असतं ..... (Read 300 times)
