त्रिवेणी संगम - 1

[केदार मेहेंदळे]

"त्रिवेणी संगम" हा कवितेत एक नवीन प्रयोग  करून बघितला आहे. यात पहिल्या दोन ओळीनंतर येणारी तिसरी ओळ कविता पूर्ण करते अन कवितेला नवीन अर्थ देते.  नवीन प्रयोग आहे. काही कमी किंवा चूक झाली असेल तर कविते साठी चालवून घ्याव हि विनंती. ह्या कविता चार भागात पोस्ट करीन. आज भाग पहिला.  आवडल्यास रिप्लाय पोस्ट करावा.

किती गोंगाट आहे इकडे
पण मनाला मात्र शांतता मिळते छान.

तू करत असलेले आरोप ऐकायलाच येत नाहीत.
-----------------------------------------------------------

किती आवाज आहेत सगळी कडे
कोणी कानाशी ओरडल तरी ऐकायला येत नाही

चला! आज तरी तुझ लगट बोलण  ऐकून रडायला नाही येणार.
-------------------------------------------------------------------


हल्ली आपण भेटतो तेंव्हा तुझे आरोपच चालू असतात
मला काय म्हणायचं आहे ते ऐकूनही न घेता.

चला! निदान स्वतःच्या मनाशी तरी संवाद साधता येतो अशा वेळेस.
-------------------------------------------------------------------------

वय झाल कि मन शांत रहायला लागत
कानाच मशीन बंद केल कि काम झाल.

मला काही म्हणालीस का?
-----------------------------------------------------------------------------

मला समजलंय. देवाला काही सांगून उपयोग नसतो.
तो स्वताहून देईल ते घ्याव त्याची कृपा म्हणून.

आणि तूझी तक्रार आहे मी तुला काही सांगत नाही म्हणून.
-------------------------------------------------------------------------------


केदार....


त्रिवेणी संगम - २ http://marathikavita.co.in/index.php/topic,6374.0.html
त्रिवेणी संगम - ३ http://marathikavita.co.in/index.php/topic,6386.0.html
त्रिवेणी संगम – 4 http://marathikavita.co.in/index.php/topic,6395.0.html

[प्रशांत नागरगोजे]

खरंच काहीतरी नवीन आहे....खूप छान प्रयत्न केदाराजी 

[विक्रांत]

 छान  प्रयोग ,आवडला