त्याने होय म्हणताच

Started by विक्रांत, May 31, 2013, 02:25:45 PM

Previous topic - Next topic

विक्रांत

त्याने होय म्हणताच
सर्वांगी हर्ष दाटला
थांब क्षणभर मना
जरा सावरू दे मला

स्वप्नातील स्वप्न असे
दिसे आज जागृतीला
जणू एक मोरपीस
स्पर्शले रे  हृदयाला

आज साऱ्या तपस्येचे
पुण्य आले रे फळाला
याहून अधिक काही..
नाही नि नकोच मला

त्याचा हरेक शब्द मी
हृदयामध्ये झेलला
देहातील कण कण
आज वादळ जाहला

हे खगांनो हे फुलांनो
सांगा हे साऱ्या जगाला
प्रकाश अन वाऱ्यानो
पसरा दाही दिशाला

विश्व पुरेना आनंदा
काय करु हृदयाला
त्याने स्वीकारले मला
अर्थ जीवनाला आला

विक्रांत प्रभाकर


मिलिंद कुंभारे

त्याने स्वीकारले मला
अर्थ जीवनाला आला.......

क्या बात........ :)

rudra

त्याचा हरेक शब्द मी
हृदयामध्ये झेलला
देहातील कण कण
आज वादळ जाहला

apratim....


Ankush S. Navghare, Palghar


विक्रांत

#5
thanks Prajunkush,  milind rudra maddy