नव नातं

[pujjwala20]

तुझा जिव्हाळा कसा लागला
नच उमजेना मला
संगत तुझी रे हवीच वाटे
हौस मनी ही नवीच दाटे
पुरी होइना माझी आशा
दुर जायची नकोच भाषा
विशाल हृदय हे तुझे उसळ्ते
प्रितीची वर लाट लहरते
स्पर्शुन जाते ती पायाला
की स्पर्शते मम हृदयला
दुग्धासम ह्या लहरती लाटा
धाव घेती अनेक वाट
धावती त्या किना-याकडे
मोहक हास्य जनू तेच तुझे गडे
रुप साठले नयनात
तुझीच गाज कानात
दिशादिशातुन दिक्कालातून
वहात जावे तुझ्या पात्रातून
हौसमौज ही किती पहावी
गिते मनीची गातच रहावी
तुझ्या उदरातून सुर्याने यावे
तेज तयाचे पुन्हा तुच गिळावे
तुझ्या ठायी सर्व समावे
तुझचरणी मज स्थान मिळावे
शिळा बनूनी पडूनी रहीन
किंवा किणारी माती होईन
सांग जुळेल का नाते नवते
तुझसाठी त्यागेन मी जग झगमगते

( समुद्र पाहुन )

....................... उज्ज्वला पाटील     

[rahul.patil90]

समुद्र पाहून त्या पुढची कविताची प्रयत्न मी केला होता आणि माझी कविता मी अगोदर पोस्त केली आहे पण तुमच्यासाठी परत पोस्त करत आहे त्या बद्दल क्षमश्व आहे.
तुमच्या कविताचे भाव खरच मनात उतरणारी आहे, अप्रतिम कविता.



नवं नातं

किनाराण्यावर आदळ्लेली लाट
पुन्हा मागे वळ्लीच नाही
ती झिरपून गेली तिथेच
कशी ती कुणाला कळ्लीच नाही
स्पर्शांना अर्थ असतो ते कळ्ल्यावर
माझं बालपण मला सोडून गेलं
आणि जाता जाता नवीन स्वप्नांशी
नातं माझं जोडून गेलं
गप्पच रहावसं वाटतं तुझ्याजवळ बसल्यावर
वाटत तू सगळे ओळखावीस
मी नुसतं हसल्यावर
तुला डोळे भरून बघायचं असत पण
तू जवळ आलीस की डोळेच भरून येतात
आणि बोलायचे म्हंटल तर
शब्द मुके होतात
मला माझी हर मान्य आहे पण
तू जिंक्लीस असे मात्र होत नाही
डाव तुझ्या हाती दिला तरी
जिंक्ता मात्र तुला येत नाही
---------------- राहुल पाटील

© राहुल पाटील

[pujjwala20]

sundr aahe kvita keep it up