देव स्वप्नात येतो

Started by kumudini, April 22, 2014, 06:25:49 PM

Previous topic - Next topic

kumudini

देव  स्वप्नात  येतो


एक  दिवस ताप  मला  आला
देव  पुजेचा  नेम  माझा  चुकला
हुरहुर  लागली माझ्या  मनाला
अन  झोपेनही  संप  पुकारला
नंतर थोडा  डोळा  लागला
देव माझ्या  स्वप्नात  आला
म्हणाला  मीच  आणला  ताप  तुला
कारण  तुझ्या  पुजेचा  कंटाळा  आला  मला
गार  गार  पाण्याने  आंघोळ  घालते
थंडीने  ओठ  माझे  कुडकुडते
तुझ्या  उदबत्तीने  घसा  माझा  कोंदला
हळद  कुंकाने  डोळे  लागले  चुरचुरायला
रोज  तोच  भसाडा  आवाज  आरतीला
अन  तीच  तीच  आरती  ऐकून  कानठाळी  बसल्या
रोजच  पचपचीत  दूध  नैवेद्याला
चमचमीत  खायला  आवडते  मला
रक्तदाब  मधुमेह  तुम्हाला
विनाकारण  शिक्षा  त्याची  मला
नको  तरी  फुल  वाहते  मला
वाळल्यावर  ते  टोचतेन  मला
अशीच  गपगार  पड  बिछान्याला
अन  विसावा  जरा  घेऊदे  मला
                                                 कुमुदिनी  काळीकर