मी भट!

[केदार मेहेंदळे]

जानव्याला गाठ येथे
चालतो मी ताठ येथे

काय मागू दान, माझी
पूर्वजांशी गाठ येथे

वारश्यानी लाभले मज
ज्ञान भरले माठ येथे

संपले ना ऋण त्याचे
लागले मज साठ येथे

मी प्रवाही वाहिलो पण
सोडला ना काठ येथे

संकटांना मी कधीही
दावली ना पाठ येथे 

वाटला मी गोड आंबा
चोखली अन बाठ येथे

का विचारू? ''हक्क कसले?''
सर्व मुद्दे पाठ येथे

पाच दशके लोटली पण
मागणारे राठ येथे

स्वबळावर धाव तुही
ये भटाला गाठ येथे


केदार...

लगावली : गालगागा  गालगागा
मात्रा : ७ + ७ = १४
 

[sweetsunita66]

wa mast

[sucheta Ranade]

Mast kavita!!!

[sucheta Ranade]

Mast Kavita!!!