भटक्या कुत्र्यास

Started by sanjay limbaji bansode, November 23, 2014, 09:50:17 PM

Previous topic - Next topic

sanjay limbaji bansode

नाही नाव नाही गाव
नाही तुला राव रे !
टाकेल जो भाकर तुकडा
त्यालाच शेपटी हालवून दाव रे ! !

नाही गल्ली नाही बोळी
नाही तुला माय रे !
कुणी देत उष्ट टाकुनी
तेच तू खाय रे ! !

कुठेही खाती कुठेही झोपती
नाही मनी तुझ्या मळ रे !
हाड़! केल कुणी तुला
तेथून काढसी पळ रे ! !

ना भाकरी ना सिदोरी
ना जाती कुणाच्या घरात रे !
प्रेमाने दिला तुकडा कुणी
पुन्हां येती त्याच्या दारात रे ! !

ना कुणी सोबती ना कुणी झोपती
येऊन तुझ्या खुशीत रे !
काटेच काटे आहेत तुझ्या
डोक्या खालच्या उशीत रे ! !

संजय बनसोडे