तुझ्याचसाठी

[विक्रांत]

ते डोळयात घातलेले काजळ
म्हणू नकोस नाही माझ्यासाठी
खांद्यावर उधळले केस मोकळे
म्हणू नकोस असे वाऱ्यासाठी 

ते असे बघूनही न बघणे तुझे
ते उगा तुटक तुटक वागणे तुझे
भोगतोय शिक्षा कुठली जणू मी
न केल्या कळल्या गुन्ह्यासाठी

किती डोळ्यात तुला साठवू मी
किती शब्दांना मनी घोळवू मी
काय तुला सांगू अन कितीदातरी 
जगतोय मी केवळ तुझ्याचसाठी

सुटलेले आभाळ घेवून खांद्यावर
तुटलेली वाट जोडून पावलावर
श्वास माझे धडपडतात सखये
फक्त तुझेच गाणे गाण्यासाठी

विक्रांत प्रभाकर

[pranjal]

Very nice.. Senti.. I wnt to  read  more

[pranjal]

Good

[shubham jadhav]

sundar rup tuze
  kiti kautuk karu mi tayachy
nashib hota maz je milal mala aaj
vatat navte mala ase kahi ghadel
tutza sudarya kade baghun mi tuza premat padel