त्या तिथे वळणावर

[yallappa.kokane]

"त्या तिथे वळणावर"

तु अशीच गेल्यावर
अश्रू ओघळले गालावर ॥
वळूनही नाही पाहिले
त्या तिथे वळणावर॥धृ॥

कशी विसरलीस प्रित
मला काही कळेना ॥
तू छेडलेल्या तारांना
सुर कसे जुळे ना ॥
नजरेत मी येताच
फूले खळी तुज गालावर॥

वळूनही नाही पाहिले
त्या तिथे वळणावर॥1॥

उभी दूर अशी तु
परकी नजर जोडीला ॥
काय उपमा द्यावी
अनोळखी तुज खोडीला ॥
अंग चोरून उभी
पांघरून लाज मनावर

वळूनही नाही पाहिले
त्या तिथे वळणावर॥2॥

विसरु पाहते मज
लपती तुझी नजर ॥
नकोस करू खंत
फुटल्या दगडा पाझर ॥
नकोस ढाळू अश्रू
मी असताना सरणावर

वळूनही नाही पाहिले
त्या तिथे वळणावर॥3॥


यल्लप्पा सटवाजी कोकणे
27/04/2004

[swati k]

sundar kavita