देशासाठी जाग येते

[sanjay limbaji bansode]

देशासाठी जाग येते आम्हां
15 ऑगस्ट अन् 26 जानेवारीला
मंग अंगात रक्त सळसळतं
अन् निघतो देशाच्या वारीला ! !


एरवी आम्हां देश प्रेम
वाटते एक भनंभनं
स्वातंत्र्य दिनाच्या दिवसी
होते तिरंगाची आठवण !
मग सुटतो आमचा धीर
डोळ्यासमोर येतात शूर वीर
शहारते सारे अंग
अंगी अवतरतो भगत सिंग !
पुन्हां टवटवीत करतो
देशप्रेमाच्या धारीला !
मंग अंगात रक्त सळसळतं
अन् निघतो देशाच्या वारीला ! !


जाग येते इंटरनेटला
आदळतात त्याच्यावर रंग तिरंगी
बघून इंटरनेटचे यूज़र्स
आनंदी होतात फिरंगी !
मोबाईलवर sms चा
चढ़तो झेंड्यावर झेंडा
" भारत माता की जय " म्हणतो
न बोलणारा गेंडा !
रोज विदेशी कपडे घालणारी
पून्हा आवडते साड़ी नारीला !
मंग अंगात रक्त सळसळतं
अन् निघतो देशाच्या वारीला ! !

संजय बनसोडे

[Çhèx Thakare]

खूप छान ..