तुझी जादू

[sachinikam]

तुझी जादू

नजरेस पडल्यापासून तू
घडलीय कसली जादू
जिकडे पाहतो तिकडे तू
प्रतिमेत तू प्रतीबिंबात तू

मनात तू ध्यानात तू
अन मंतरलेल्या क्षणांत तू

पानांत तू फुलांत तू
दरवळनाऱ्या सुगंधात तू

नजरेत तू डोळ्यांत तू
अन ओघळणाऱ्या अश्रूंत तू

सुरांत तू तालात तू
अंगांत भिनलेल्या लयात तू

चंद्रात तू चांदण्यांत तू
अन नक्षत्रांच्या नक्षीत तू

सांजेत तू दिवसात तू
अन पहाटेच्या स्वप्नांत तू

सागरात तू अंबरात तू
अन रिमझिमणाऱ्या धारांत तू

नवल म्हणू कि किमया
मनमोहक झाली दुनिया
नवीनावीशी हवीहवीशी
चंदन शीतल छाया .

कवितासंग्रह : मुखदर्पण
कवी: सचिन निकम
पुणे
९८९००१६८२५

[sachinikam]

सुरांत तू तालात तू
अंगांत भिनलेल्या लयात तू