जर हयात असता तुका?

[sanjay limbaji bansode]

जर हयात असता तुका
बघुनी भ्रष्टाचारी चुका
झाला असता मुका
कायमचा.

बघुनी बुवा बाबांचा रंग
झाला असता आतूनी भंग
मंग कसले असते अभंग
तुकाचे.

देवाचे बघून उणे
सांगे कुणा गाऱ्हाने
मंग काय तुका म्हणे
अभंगांत.

बघुनी भिक्षुकी शाळा
बघुनी मंदिरी घोटाळा
काय सांगिल तुकाचा गळा
जनता जनार्दना.

वाटली असती तया खंत
दाटुनि आला असता कंठ
ना दिसले असते वैकुंठ
तुकारामा.


(तुका हयात असता तर ? ही एक कविची कल्पना आहे )

संजय बनसोडे
9819444028