नरवीर तानाजी

[kumudini]

             नरवीर  तानाजी
अजिंक्य  कडा  कणखर  कणा  हा  सह्याद्रीचा  बाणा
असाच  होता  मराठमोळा  शिवरायाचा  ताना
लगीन  आधी  कोंडाण्याचे बाशिंग  मग  रायबाला
आज्ञा द्यावी  राजे  कोंडण्या  कूच  करण्याला
तिनशेच अवघे  सैनिक  संगे  घेई  यशवंतीला
मध्यरात्रीला सरसर  चढले  सैनिक  किल्ल्याला
हरहर  महादेव गर्जुनी जागे करती  यवनाला
उदयभानू  तो  शूर  शिपाई  अटीतटीने  लढला
दुर्दैवाने  वीर  तानाजी  धारातीर्थी  पडला
कच  खाऊन  मराठ  मावळा  माघारी  फिरला
त्याच  क्षणी  शेलार मामा  उभा  पुढे  ठाकला
ऐंशी  वयमान  तयाचे  जिगर  लाजवी तरुणाला
दोर कापला  यशवंतीचा  मरणच  आहे  तुम्हाला
शौर्याची  ती  शिकस्त  करुनी  जिंका  कोंडाण्याला
फिरले  सैनिक  माघारी  शर्थची  केली  शोर्याला
हरहर  महादेव गर्जुनी फडकवी  भगव्या  झेंड्याला
असा  नरवीर  तानाजी  जगी अमरच  हो  झाला
गड  आला  पण  सिंह  गेला म्हणून  तो  सिंहगड  झाला

                                                                   कुमुदिनी काळीकर