आयुष्य एक लेणे

[kumudini]

आयुष्य  एक  लेणे

आयुष्याचे  सुंदर  लेणे  परमेशाचे  देणे
कशास  गातसे  व्यर्थ  मानवा उगाच  रडगाणे
साद  घालीतो  गुलाब  हसरा  नजीक  येण्यासाठी
गंधित  मोगरा  सांगतसे  घे  गंधा  भरुनी
सप्त  सुरांना  आळवूनी  गाती  हिरवी  पाने
त्याच  सुरांना  साक्षी  ठेऊन  जीवन  संगीत  करणे
पहाट  वेळी  गुलाल  उधळी  प्राची  स्मित  वदने
त्यामधुनी  हळूच  डोकावी  रवी  किरणे
मलयगिरीचा  गार  गारवा  पवनाचे  देणे
मंजुळ कलरव  करुनी पक्षी  गती मधुर  तराणे
हास्य फुलांची  करीत  उधळन  मार्गा  आक्रमणे
आयुष्याला  करील सोबत  चंद्राचे  चांदणे
जेथे  जाशील  थेते  असतील  निसर्ग  नजराणे
सौदर्याच्या  उपासकाला  इथे न  काही  उणे
                                                           कुमुदिनी  काळीकर     








                                                                                                                                           

[mayur47]

chan ahe kavita