येत्या पावसात असाह्य होईल

[Ravi kamble]

जगणं मरणं मरून जगणं
आमच्याच नशिबी येईल
शेतीचं काय खर नाय गड्या
येत्या पावसात असह्य होईल

खरं न्हाय काय या पावसाचं
त्यो कधीबी बांध फोडुन जाईल
पिकऊन खायचं वांद होईल गड्या
येत्या पावसात असह्य होईल

कितीबी गवात रचलं तरीबी
छ्प्पर आपलं गळकच राहील
जनावरा सकट हाल होईल गड्या
येत्या पावसात असह्य होईल

गावच्या गाव गाडुन गेली
कधी माळीन गाव मनातुन जाईल
शेतकऱ्याचं काय खरं नाय गड्या
येत्या पावसात असह्य होईल
     
      कवी
(रविंद्र कांबळे पुणे 9970291212)