-- पाऊस --

[SHASHIKANT SHANDILE]

नजर एकटक ती आकाशावर
पडणार कधी पाऊस धरतीवर
शेत तहानले ते त्रासले जनावर
अधीर मन जाईल का फासावर

अवकाळी नुकसान दरवेळी घात
सावरतील कां दिवस अंधारी रात
गरीबाच्या दारी पडेल का प्रकाश
हाती संजीवनी कि वाढेल जकात

दलालखोरी आता जीव काढू लागली
सरकारी परवाने त्यांना भेटू लागली
करेल का कुणी तरी आमचा विचार 
कि यंदाही आम्ही फासावरच जाणार

शशिकांत शांडीले (SD), नागपूर