||कसा येवू पंढरपुरात||

[Ravi kamble]

|| कसा येवू पंढरपुरात ||
××××××××××××××××××××
नाही  पाणी वावरात
श्वास आटला अंतरात
सांग पांडुरंगा
कसा येवू पंढरपुरात

कस उगलं बिनपावसात
पडली पेरणी कोरड्यात
सांग पांडुरंगा
कसा येवू पंढरपुरात

बीज करपलं शेतात
व्याज वाढलं कर्जातं
सांग पांडुरंगा
कसा येवू पंढरपुरात

चाऱ्यावीना गुरं दावनात
रोज कसाई  मारतात
सांग पांडुरंगा
कसा येवू पंढरपुरात

काय अर्थ एकादशीत
उपाशीच गेला बा फासात
सांग पांडुरंगा
कसा येवू पंढरपुरात

नाही राम जगण्यात
पुन्हा मरण दुष्काळात
सांग पांडुरंगा
कसा येवू पंढरपुरात

सांग पांडुरंगा
कसा येवू पंढरपुरात
××××××××××××××××××××
रविंद्र कांबळे पुणे ,
मो.९९७०२९१२१२
दि.२८।०७।२०१५ .