Author Topic: ==* चल चल मिनी म्याऊ *==  (Read 870 times)

Offline SHASHIKANT SHANDILE

  • Jr. Member
  • **
  • Posts: 370
  • Gender: Male
  • शशिकांत शांडिले, नागपुर
==* चल चल मिनी म्याऊ *==
« on: June 04, 2018, 03:10:57 PM »
चल चल मिनी म्याऊ
आपण दोघं शाळेत जाऊ
मिळून वर्गामंदी आपण
छान छान गाणी गाऊ

नवी नवी घाल कापडी
पुस्तक पाटी घेऊन जाऊ
दप्तर तुझा माझा छोटा
चल पाठीवर टांगून घेऊ

अ आ इ ची बाराखडी
एका दोनाचे पाढे लिहू
प्रार्थनेची वेळ झाली
ओळीत सारे उभे राहू

चल पड मिनी म्याऊ
वेळेआधी शाळेत जाऊ
उशीर होवू नये बाळा
उगाच आपण मार खाऊ

चल चल मिनी म्याऊ
आपण दोघं शाळेत जाऊ
खेळता खेळता शिकू अन
शिकून खूप मोठं होऊ
----------------//**--
शशिकांत शांडीले, नागपूर
भ्र.९९७५९९५४५०
Its Just My Word's

शब्द माझे!

Marathi Kavita : मराठी कविता