Author Topic: खेळ विजेशी  (Read 938 times)

Offline शिवाजी सांगळे

  • Sr. Member
  • ****
  • Posts: 1,349
  • Gender: Male
  • या जन्मावर, या जगण्यावर, शतदा प्रेम करावे.....
खेळ विजेशी
« on: June 26, 2018, 08:03:17 AM »
खेळ विजेशी

वर्गात हल्ली आभाळाच्या 
भरते सगळ्या ढगांची शाळा
'ढ' असलेला थोरला ढग
जोरजोरात उगा काढतो गळा

पाहून त्याचं जोराचं रडू
एकदम लागले सारे रडायला
रडता रडता इतके रडले
लागला पाऊस मोठा पडायला

एक विज रस्ता चुकली
एकटीच सैरावैरा धावत सुटली
वाटेत लागलं मोठ झाड
आदळून त्यावर तीथेच पडली

चमकते जेव्हा विज कधी
झाडा खाली कुणी जावू नका
धोका आहे तीच्यापासून
उगा विजेशी खेळ करू नका

© शिवाजी सांगळे 🎭
 संपर्क:९५४५९७६५८९

Marathi Kavita : मराठी कविता