Author Topic: नर्मदा मैयास  (Read 453 times)

Offline विक्रांत

  • Hero Member
  • *****
  • Posts: 1,550
नर्मदा मैयास
« on: October 08, 2017, 08:52:11 PM »
नर्मदा मैयास
**********
तुज प्रेमे भेटायचे
तुझ्या तीरी जगायचे
आई तुझ्या करुणेचे
रंग मला पाहायचे

काही माझ्या अस्तित्वाचे
प्रश्न तुला पुसायचे
जन्म पणास लावुनी
उत्तर ते शोधायचे

हटी तटी बसलेले
योगी मुनी पहायचे
झोळीतील सुख त्यांच्या
आहे मला लुटायचे

पुण्यप्रद माती तव
ललाटी या लावायची
होवूनिया सदा तुझा
कुडी तुला वाहायची

ओढ तुझिया कुशीची
गूढ गहिऱ्या पाण्याची
हट्ट पुरा कर माई
आस या विक्रांतची

डॉ .विक्रांत प्रभाकर तिकोणे
http://kavitesathikavita.blogspot,in


Marathi Kavita : मराठी कविता


Akshay shivaji avhad

  • Guest
Re: नर्मदा मैयास
« Reply #1 on: December 22, 2017, 11:56:31 AM »
Mast