Author Topic: ।। वसा ।।  (Read 460 times)

Offline शिवाजी सांगळे

  • Sr. Member
  • ****
  • Posts: 1,317
  • Gender: Male
  • या जन्मावर, या जगण्यावर, शतदा प्रेम करावे.....
।। वसा ।।
« on: December 16, 2017, 07:13:47 PM »
।। वसा ।।

अभंगाचे गुढ । मनासी आवडे ।
शोधता बापुडे । आपसुक ।।

ऐसा तो महिमा । म्हणती नामाचा ।
उध्दार जीवाचा । होत असे ।।

अकर्म आयुष्य । जमविता माया ।
भोगापरी काया । व्यर्थ जाय ।।

स्वार्थ भाव मनी । करीता पुजन ।
न पावे भजन । देवाजीस ।।

उच्चतम भाव । मांडोनी विचार ।
व्हावे ते आधार । सकलांसी ।।

संतांनी जो दिला । समतेचा वसा ।
पाळे जो खासा । त्यासी कळे ।।

चरणांते भेद । शोधे जो शहाणा ।
बुवा भोंदू जाना । म्हणे शिवा ।।

© शिवाजी सांगळे 🎭
« Last Edit: December 17, 2017, 12:37:45 AM by शिवाजी सांगळे »

Marathi Kavita : मराठी कविता