Author Topic: विठ्ठल दर्शन  (Read 108 times)

Offline Asu@16

  • Jr. Member
  • **
  • Posts: 245
विठ्ठल दर्शन
« on: July 22, 2018, 09:08:32 AM »
 विठ्ठल दर्शन

रूप तुझे सुंदर, पाही निरंतर |
रिकामे मंदिर, अंतर्यामी ||

कटीवर तव हात, नाही तू बोलत |
गरीबाची हालत, पाहोनिया ||

काय तुज मागू, नाही तुजपाशी |
राही मी उपाशी, पंढरीशी ||

काय तुज देऊ, नाही मजपाशी |
भक्तीभाव पायी, ठेवियला ||

दगडाच्या देवा, नाही तुझा हेवा |
खाशी तू मेवा, विटेवरी ||

पंढरीशी आलो, तुझ्या दर्शनाला |
नाही तू दिसला, पंढरीला ||

वारकरी गोंधळ, रिकामे देऊळ |
सर्वत्र धावपळ, शोधण्याला ||

घेऊन एकतारी, बैसला भिकारी |
तिथे तुझी स्वारी, विठ्ठला ||

धन्य धन्य झालो, केला सहवास |
सोडी उपवास घास, भरोनिया ||

- प्रा.अरुण सु.पाटील (असु)
   
https://www.facebook.com/AsuChyaKavita

Marathi Kavita : मराठी कविता


 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
तेरा अधिक दोन किती? (answer in English number):