Author Topic: टिटवीने घातला घोळ  (Read 278 times)

Offline Ravi kamble

  • Jr. Member
  • **
  • Posts: 106
टिटवीने घातला घोळ
« on: November 17, 2015, 11:03:21 AM »
!! टिटवीने घातला घोळ !!

टिव टिव करीत टिटवी
घालत होती घरावर मस्ती
           कोणी तरी गचकतय का
           याची घरानी घेतली धस्ती..!

त्यात कुठून एक भुंगा
घुंग घुंग करीत आला
            अन् पाहुणे येतील याचा
            जणू निरोपच देवून गेला..!

रात्र जसजशी अंधारली
नेमकं कुत्री इवळत होते
            भीतीपोटी जो तो रातभर
            जागून डोळे चोळत होते..!

ज्याला त्याला डोळ्यासमोर
टिटवी आणि सटवीच दिसली
          काल्पनिक थोतांड या कथेला
          सारेजण होते नकळत फसली..!

काय तरी विपरीत होणार
या अंधश्रद्धेनेच बहकले व्हते
          पण आठ दिवस झाले तरी
          अजून कुणीच गचकले नव्हते..!

स्वलिखित:-रवींद्र कांबळे 9970291212

Marathi Kavita : मराठी कविता