Author Topic: आस  (Read 80 times)

Offline शिवाजी सांगळे

  • Sr. Member
  • ****
  • Posts: 1,276
  • Gender: Male
  • या जन्मावर, या जगण्यावर, शतदा प्रेम करावे.....
आस
« on: June 08, 2018, 04:48:45 PM »
आस

तृषार्त धरेस या आसक्ती
होत आहे नभ थेंबाची,
मिलन विरह या दोहोंचा
परंपरा हि युगा युगाची !

स्पर्शासवे मृद्गंध खुलावा
पुर्तता व्हावी अपुर्णतेची,
येताच कवेत परस्परांनी
अनुभूती व्हावी पुर्णतेची !

टिपावे धरेने घन थेंबाना
घेत अवीट गोडी अमृताची,
चिरंतन जपावी स्मृती मग
फुलवित हरित पात्यांची !

विसरूनी बंध, पाश सारे
आवर्तने हो एकरूपतेची,
वर्षावात तृप्त होती गात्रे
आस तुझ्या पुनर्मिलनाची !

© शिवाजी सांगळे 🎭
 संपर्क:९५४५९७६५८९
« Last Edit: June 09, 2018, 08:21:29 AM by शिवाजी सांगळे »

Marathi Kavita : मराठी कविता