Author Topic: श्रावण सजला  (Read 250 times)

Offline शिवाजी सांगळे

  • Sr. Member
  • ****
  • Posts: 1,307
  • Gender: Male
  • या जन्मावर, या जगण्यावर, शतदा प्रेम करावे.....
श्रावण सजला
« on: August 28, 2018, 11:18:46 PM »
श्रावण सजला 🌾🌿

खूप सुंदर श्रावण सजला
कवितेमधे अलगद मुरला

ओलसर त्या पहाट वेळी
प्राजक्तही मनी लाजला

सावरताच धवल सर्वांगा
केशरासह तो लडखडला

केवड्याने कात सोडता
काट्यांसही दरवळ फुटला

मोगरा निपचित या प्रहरी
मिटूनी कळी शांत निजला

भिजून येता दवात शब्द
पानांवर सुगंध सांडला

रानांत बहर फुलांत बहर
बहर मना मनात बहरला

व्रतवैकल्ये मनी ठसवुनी
श्रावण हा पुन्हा प्रकटला

खूप सुंदर श्रावण सजला
कवितेमधे अलगद मुरला

© शिवाजी सांगळे 🎭
 संपर्क:९५४५९७६५८९

Marathi Kavita : मराठी कविता