Author Topic: गाथा अहमदनगरची.......  (Read 183 times)

गाथा अहमदनगरची.......
« on: March 24, 2019, 02:23:04 PM »
*गाथा अहमदनगरची*

महाराष्ट्रात वसलेल्या एका मोठ्या भूभागाची,
ऐका गाथा अहमदनगरची हो ऐका गाथा अहमदनगरची ।।

निजामशहाने स्थापना केली अहमदनगर शहराची,
साथ लाभली शहराला अजेय भुईकोट किल्ल्याची,
 चांदबीबीच्या महालाने शान वाढवली शहराची,
ऐका गाथा अहमदनगरची हो ऐका गाथा अहमदनगरची ।।

मराठीत रचली ज्ञानदेवांनी येथे ज्ञानेश्वरी,
पावन झाली ही धरती साईबाबांच्या चरणांनी,
कहाणी शनिशिंगणापूरची,बिगर दरवाज्यांच्या घरांची,
ऐका गाथा अहमदनगरची हो ऐका गाथा अहमदनगरची ।।

भुईकोट किल्ल्यात रचली गेली, कहाणी डिस्कव्हरी ऑफ इंडियाची,
स्वातंत्र्यसेनानींच्या अटकेने चळवळ पेटली राष्ट्रवादाची,
याच धरतीवर रोवली गेली मुहूर्तमेढ सहकाराची,
ऐका गाथा अहमदनगरची हो ऐका गाथा अहमदनगरची ।।

Cavalry Tank Museum शोभा आहे भारताची,
कृषी क्षेत्रात पताका फडफडते महात्मा फुले कृषी विद्यापीठाची,
 गरज आहे येथे आणखी राळेगणसिद्धीची,हिवरेबाजारांची
ऐका गाथा अहमदनगरची हो ऐका गाथा अहमदनगरची ।।

परंपरा आहे येथे मातब्बदार राजकारण्यांची,
तरीही आस आहे शहराला विकासाची,
सीना नदीच्या सफाईची, उड्डाणपुलाच्या निर्मितीची
ऐका गाथा अहमदनगरची हो ऐका गाथा अहमदनगरची ।।

                      --महेश थिटे,
                          अहमदनगर
                           9156989636

Marathi Kavita : मराठी कविता


 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
Type the letters shown in the picture
Listen to the letters / Request another image
Type the letters shown in the picture:
अकरा गुणिले दोन किती ?  (answer in English number):