Author Topic: गझल  (Read 295 times)

Offline yallappa.kokane

  • Jr. Member
  • **
  • Posts: 317
  • Gender: Male
गझल
« on: January 31, 2018, 09:28:44 AM »
गझल

हातून पालकांच्या संस्कार फार झाले?
पोरास जन्मदाते का आज भार झाले?

कोणास काय बोलू माझाच दोष आहे
मरणे सुद्धा पहा ना घाईत फार झाले

सोडून एकटे मज दुःखात जे पळाले
माझ्या सुखात आता, ते भागिदार झाले

देतो कशास थारा गर्वास रोज आता
नाती तुटून गेली अन् बंद दार झाले

विश्वास खूप होता नात्यावरी म्हणोनी
बहुदा असे हजारो पाठीत वार झाले

का? बाळगून आहे देहात राग तू रे
बघ शेवटी स्मशानी अंगार गार झाले

खर्चून जन्म माझा मी झेलले टिकांना
येताच वेळ माझी सारे फरार झाले


यल्लप्पा सटवाजी कोकणे
९८९२५६७२६४
यल्लप्पा सटवाजी कोकणे
९८९२५६७२६४
बदलापूर

Marathi Kavita : मराठी कविता