Author Topic: फँड लागलं  (Read 152 times)

Offline शिवाजी सांगळे

  • Sr. Member
  • ****
  • Posts: 1,309
  • Gender: Male
  • या जन्मावर, या जगण्यावर, शतदा प्रेम करावे.....
फँड लागलं
« on: August 27, 2018, 03:22:02 PM »
फँड लागलं

फँड लागलं लोकांना नवं याड लागलं   
घरचा सोडून बाहेरच्याच याड लागलं ||धृ||

तो पण बाप्पा, हा पण बाप्पा
ठेवूनी श्रद्धा पुजा घरच्याला
शांती समाधान देईल तुम्हाला
राजा मानायचं, कुणी डोकं हो लावलं? -२

फँड लागलं लोकांना नवं याड लागलं
घरचा सोडून बाहेरच्याच याड लागलं || १ ||

उगाच नका तुम्ही लागू रांगेला
मना पासून भजा घरच्या देवाला
पावतो का नाही मग बघा तुम्हाला
श्रद्धेनेच तुम्ही बाप्पाला घरी नं आणलं-२

फँड लागलं लोकांना नवं याड लागलं
घरचा सोडून बाहेरच्याच याड लागलं || २ ||

माना देव तुम्ही सगळेच हो एक
परी असू द्या मनी श्रद्धा ती नेक
कशाला बाप्पाची स्पर्धा हकनाक
मी तर आपल्या घरच्यालाच मानलं-२

फँड लागलं लोकांना नवं याड लागलं
घरचा सोडून बाहेरच्याच याड लागलं || ३ ||

© शिवाजी सांगळे 🎭
संपर्क:९५४५९७६५८९

Marathi Kavita : मराठी कविता