Author Topic: विना विना  (Read 384 times)

Offline sachinikam

  • Jr. Member
  • **
  • Posts: 180
  • Gender: Male
विना विना
« on: August 27, 2018, 01:27:17 PM »

विना विना
-------------------
विनासायास विनाप्रयास,
मिळते का काही?
बसल्या जागेवर, आयते आपोआप,
हलते का काही?

विनासाहस विनाधाडस,
मिळते का काही?
बसल्या जागेवर, आयते आपोआप,
वळते का काही?

विनाधडपड विनापडझड,
मिळते का काही?
बसल्या जागेवर, आयते आपोआप,
जळते का काही?

विनाविचार विनाआचार,
मिळते का काही?
बसल्या जागेवर, आयते आपोआप,
रुळते का काही?

विनाध्यास विनाअभ्यास,
मिळते का काही?
बसल्या जागेवर, आयते आपोआप,
कळते का काही?

विनाखटपट विनाझटापट,
मिळते का काही?
बसल्या जागेवर, आयते आपोआप,
टळते का काही?

विनादर्शन विनाआकर्षण,
मिळते का काही?
बसल्या जागेवर, आयते आपोआप,
जुळते का काही?

विनाचळवळ विनाखळबळ,
मिळते का काही?
बसल्या जागेवर, आयते आपोआप,
पळते का काही?

विनाकष्ट विनाउद्दिष्ट,
मिळते का काही?
बसल्या जागेवर, आयते आपोआप,
बळते का काही?
विनाघर्षण विनामर्जन,
मिळते का काही?
बसल्या जागेवर, आयते आपोआप,
दळते का काही?

मिटुनी डोळे झोपुनी निवांत
मिळते का काही?
बसल्या जागेवर, आयते आपोआप,
फळते का काही?

आवडली ना कविता?  मंग Like, Comment and Share करा की राव...
------------------------------------------------------------------
कवी: सचिन कृष्णा निकम, पुणे.
कवितासंग्रह: मुरादमन
sachinikam@gmail.com
https://play.google.com/store/books/details?id=An9IDwAAQBAJ&hl=en


Marathi Kavita : मराठी कविता