Author Topic: ओळख तू स्वतःला  (Read 710 times)

ओळख तू स्वतःला
« on: March 31, 2019, 06:26:08 PM »
तुझ्यातच आहे ती धगधगती ज्वाला,
ओळख तू स्वतःला, गड्या रे ओळख तू स्वतःला ।।

वादळात तू नको डगमगू,
अडथळ्यांत तू नको लडखडू,
धैर्याने तोंड दे परिस्थितीला,
पळून लाव तुझ्या अंतरीच्या भीतीला।।

अंतर्मनात युद्ध जाहले,
त्यात भलेभले वीर संपले,
परि तू आलाय रण जिंकायला,
तुझ्यातल्याच शत्रूला संपवायला ।।

संयमरूपी रथी स्वार होऊ,
सद्सद्विवेक बुद्धीरुपी घोडे जुंपवू,
ज्ञानरुपी धार लावू तलवारीच्या पात्याला,
तू चल आता जग जिंकायला ।।

तुझ्यातच आहे ती धगधगती ज्वाला,
ओळख तू स्वतःला, गड्या रे ओळख तू स्वतःला ।।

                                           -- महेश थिटे,
                                                 अहमदनगर,
                                             9156989636

Marathi Kavita : मराठी कविता