Author Topic: हे बंगल्याच्या दारांनो...!  (Read 594 times)

Offline Anil S.Raut

  • Jr. Member
  • **
  • Posts: 205
हे बंगल्याच्या दारांनो,
किती झिडकाराल माणुसकीला?
जरा डोळे उघडून बघा-
गुदमरू लागलाय श्वास `माणुसकीचा´!
जरा मोकळ्या हवेत बघा...
लांब कशाला?
माझ्या झोपडीतच बघा-
माणसांची चाहुल लागताच
डे-यावरच्या तांब्याला
चिमुकले पाय फुटतात,
दाराला नसलेला उंबराही
नतमस्तक होतो स्वागतासाठी!
चहाचं पातेलं
किणकिणत चुलीवर जावून बसतं...
मग,
चुलीलाही स्फुरण चढतं ;
म्हणते,
``जेवूनच जावा आत्ता!´´
एवढंच काय,
शेजारी-पाजारी कुणाला
आलाच सांगावा देवाचा-
तर-
डे-यावरचा तांब्या
गडागडा लोळतो,
चहाचं पातेलं
आंघोळच करीत नाही,
चूल तर बंडच पुकारते
आणि
माणसांच्या पोटातील कावळे
गायब होतात तीन-तीन दिवस!
हे बंगल्याच्या दारांनो,
असं घडतंय का कधी-
तुमच्या `आत´मध्ये ?


*अनिल सा.राऊत*
9890884228

Marathi Kavita : मराठी कविता


Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
दोन अधिक पाच किती ? (answer in English number):