Author Topic: केस उपटायची वेळ आली!  (Read 840 times)

Offline Anil S.Raut

  • Jr. Member
  • **
  • Posts: 205
केस उपटायची वेळ आली!
« on: September 30, 2014, 08:58:21 PM »
केस उपटायची वेळ आली!

विचार त्यांनी आमचा करायचा
हे सत्य आता घटका मोजत आहे
सत्तेच्या अंदाधुंदीत लोकशाही ही
हुकूमशहांच्या लाथा झेलत आहे ....
कायापालटाची निलाजरी भाषा
कानांना हल्ली नकोशी झाली
जनतेने ऐकावे तरी काय काय
आता केस उपटायची वेळ आली!

अरे कुणावर ठेवायचा विश्वास
जो तो तंगड्या वर करतोय
स्वार्थासाठी इथे लाज सोडली
बापाचेही तो नाव बदलतोय...
किती सोसावे डोळ्यांनी या
लोकशाही त्यांनी निर्वस्र केली
झाकुन झाकुन किती झाकणार
आता केस उपटायची वेळ आली!

इथुन तिथून बरबरटलेली व्यवस्था
विषाणुच असे जहरी साप जसे
लागण चोहीकडे फोफावलेली
डंखापासुनि वाचणार कसे....?
शोधेल का रे लस कुणी इथे
लोकशाहीच आज पांगळी झाली
सगळेच उत्सुक होण्यास खांदेकरी
आता केस उपटायची वेळ आली!

मिटतो रे डोळे आम्ही हताशपणे
लाजही शरमेने आज लाजली
भाषेनेही टेकले साफ गुडघे
शब्दांनी तर साथच सोडली.....
काय म्हणावे यांना शोधतो आहे
कोशांनीच आता मान टाकली
विचार करून रागा-रागाने
आता केस उपटायची वेळ आली!
आता केस उपटायची वेळ आली!!


*अनिल सा.राऊत*
9890884228

Marathi Kavita : मराठी कविता

केस उपटायची वेळ आली!
« on: September 30, 2014, 08:58:21 PM »

Download Free Marathi Kavita Android app

Join Marathi Kavita on Facebook

Offline shaan@5

  • Newbie
  • *
  • Posts: 9
Re: केस उपटायची वेळ आली!
« Reply #1 on: October 02, 2014, 06:40:02 PM »
kharay...!!

khup chaan lihilay sir..>!!

Offline Anil S.Raut

  • Jr. Member
  • **
  • Posts: 205
Re: केस उपटायची वेळ आली!
« Reply #2 on: October 02, 2014, 08:11:50 PM »
धन्यवाद  शान  जी!!!!!

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
एक गुणिले दहा किती ? (answer in English number):