Author Topic: हळूहळू संथपणे बदल निश्चित होत आहे!  (Read 677 times)

Offline muktibodh

  • Newbie
  • *
  • Posts: 15
  • Gender: Male
  • Pradeep S. Muktibodh
पायांवरुन पायडलवर,
पायडलवरुन किकवर
किकवरुन ईग्निशनवर
माझा विकास होत आहे.
हळूहळू संथपणे बदल निश्चित होत आहे!

भोगलेले शब्द आता,
चोथा होऊन फिरत आहेत
मनामध्ये जपलेले विचार
रोज आता मरत आहेत.
हळूहळू संथपणे बदल निश्चित होत आहे!

काल पर्यन्त नाकारलेले,
आता मला पटत आहे
हळूहळू मी देखिल
त्यांच्या सारखाच होत आहे.
हळूहळू संथपणे बदल निश्चित होत आहे!

दुख:, दैन्य, दारिद्रयाचा,
आता फ़क्त राग आहे
माझ्यापुरति ही समस्या
मी आधीच सोडवलेली आहे.
हळूहळू संथपणे बदल निश्चित होत आहे!

तरी देखिल का कळेना
काळजामध्ये कळ येते,
खोल कुठे चुकल्याची
सतत, सतत जाणिव होते.
हळूहळू संथपणे बदल निश्चित होत आहे!

प्रदीप मुक्तिबोध

Marathi Kavita : मराठी कविता


Offline shashaank

  • Full Member
  • ***
  • Posts: 558
  • Gender: Male
vaa sahhee mitraa......

Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
tumchya kavita chatka lavnarya astat.... khup cha.