Author Topic: रांग चालली (गमन)  (Read 632 times)

Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
रांग चालली (गमन)
« on: March 26, 2012, 01:36:57 PM »
रांग चालली अव्याहत हि
जन्मा येउनी मृत्यू साठी
मिळता तिकीट मृत्यूचे मग
निघण्या पुढील प्रवासाशी

जन्मा येउनी रांग लावणे
रांगे बरोबर चालत रहाणे
कोणीही ना यांतून सुटले
रांग म्हणजे जीवन जगणे

जो जन्माला तो आला येथे
जो आला तो रामाला येथे
उभे रांगेतच इथे सर्वही
आप्त स्वकीय मित्रांसंगे

रांग जरी हि इतकी मोठी
तिकीटाची ना घाई कुणाही
उभे रांगेतच जरी सर्वही
रांग दिसेना परी डोळ्यासी

रांग वाढली जरी कितीही
मिळणार तिकीट प्रत्येकासी
बंद होतेना तिकीट खिडकी
अखंड चालू  दिवस रात्री

रांगेतुनी ना कुणी सुटला
जरी कंटाळला वा थकला
नियम परी रांगेचे ह्या
कोणीही ना कधी समजला

या रांगेचे नियम वेगळे
पुढे कुणी ना कुणीच मागे
नंबर कळे ना जरी कोणाते
तिकीट तयार असे सर्वांचे

पुढे जाणे ना आपल्या हाती
रांग ना थांबे कुणाही साठी
रद्द तिकीट ना झाले कधीही
मिळता तिकीट ना थांबले कोणी

कोणी थकला वाट पाहून
खितपत पडला वर्षानुवर्ष
मिळता परी तिकीट अचानक
निघून गेला सोडून आप्त

जरी तिकीट तयार सर्वांचे
ना ठावे मिळणार कधी ते
चालत नाहीत सत्ता वशिले
तिकीट मिळता लगेच निघणे

रांगेत चालले खेळ कितीक
कमावणे अन गमावणे इथेच
मिळता तिकीट जाणे सोडून
देह, दैव अन प्रारब्ध इथेच

इथे मिळवूनी इथेच सोडणे
प्रवासात ना काहीच नेणे
देहासही या सोडून येथे
प्रवासात या नागडेच जाणे

परी विसरुनी नियम येथला
धडपड चाले काही कमवण्या
आप्त, मित्र, परिवार गोतावळा
पैसा, संपत्ती आणिक सत्ता

रांगेतील हे सर्व प्रवासी
विसर त्यांना मृत्यूचा अंतरी
जीवनाच्या या स्टेशन वरती
थांबले घेण्या घडीभर विश्रांती

रांग चालली अव्याहत हि
जन्मा येउनी मृत्यू साठी



केदार...
(माझ्या "गमन" ह्या संग्रहातून)
 
मी वाट बघतोय... (गमन)
 
http://marathikavita.co.in/index.php/topic,8055.msg25936.html#msg25936
 

संन्याशाची कथा (गमन)
http://marathikavita.co.in/index.php/topic,7885.0.html
« Last Edit: July 23, 2012, 11:41:41 AM by केदार मेहेंदळे »

Marathi Kavita : मराठी कविता


Offline Rohit Dhage

  • Jr. Member
  • **
  • Posts: 221
  • Gender: Male
  • Show me the meaning of being lonely....
Re: रांग चालली (गमन)
« Reply #1 on: March 27, 2012, 09:19:31 AM »
Jiwanacha rangeshi chan compare kelai.. Good1