Author Topic: छक्का (हिजडा )  (Read 1533 times)

Offline विक्रांत

  • Hero Member
  • *****
  • Posts: 1,550
छक्का (हिजडा )
« on: May 11, 2014, 01:03:08 PM »
भिकेच्या पैशाने
विकत घेवून गुटखा
रस्त्याने साडीमध्ये
ताड ताड गेला छक्का
काळा उंच रुंद खांद्याचा
उभट पुरुषी चेहऱ्याचा
रबर बांधल्या कुरळ्या केसांचा
धनी उपहासी नजर स्मितांचा   
जुनाट कुठली साडी टाकली
वेडी वाकडी होती नेसली 
सैल विटकी तशीच चोळी
घालण्यासाठी होती घातली
तीच टाळी कमावलेली
दे रे राजा ओळ ठरली
राकट हात डोक्यावरती
ठेवत स्वारी होती चालली
किंचित किरटा स्वर फाटका
स्त्री लयीत शब्द दुमडला
किन्नर मी म्हणत स्वतःला
देवलोकी जावून भिडला

विक्रांत प्रभाकर




« Last Edit: May 18, 2014, 10:08:38 PM by MK ADMIN »

Marathi Kavita : मराठी कविता