Author Topic: मी आणि मन (म्हणजे मीच )  (Read 1594 times)

Offline विक्रांत

  • Hero Member
  • *****
  • Posts: 1,550
मी आणि मन (म्हणजे मीच )
« on: June 19, 2014, 08:14:01 PM »


मनास एकदा सांगितले मी
जरा शहाणे व्हायला
ते होवून तत्वज्ञानी
लागले मलाच शिकवायला

कधी समजावले प्रेमाने
जरा नम्र व्हायला
ते वाकुनि दुष्टपणाने
लागले पाय ओढायला

आणि एकदा वदलो उगाच 
डोळस भक्ती करायला
सजूनधजून भक्त मिळवून 
लागले देव्हारी बसायला

मी माझ्या मनाला लावले
सेवा करयाला
ते होवूनिया पोशाखी
लागले जगात मिरवायला

भरले गच्च पाहून त्याला
सांगितले विकार सोडायला
ते होवुनी संभावित
लागले जग वाईट म्हणायला

अन शेवटी जरी प्रार्थिले 
शांत बसायला
लगेच समोर लागले ते
विश्व गोळा करायला


विक्रांत प्रभाकर
« Last Edit: June 21, 2014, 11:47:59 AM by MK ADMIN »

Marathi Kavita : मराठी कविता