Author Topic: लपंडाव  (Read 834 times)

Offline sudhanwa

  • Jr. Member
  • **
  • Posts: 56
  • Gender: Male
लपंडाव
« on: March 27, 2013, 05:09:11 AM »
लहानपणच्या लपंडावत निरागसता होती
पकडलं जाण्याची धाकधुक नक्कीच होती
पण जीवावर बेतण्याची भिती मात्र नव्हती

कचण्यात जास्तीची मेजाॅरीटी होती
अन् कमीची कमिटी होती
पण राजकारणाची लाॅबी मात्र नव्हती

नवा गड़ी आला तर
नवं राज्य मिळायचं
अलिखीत नियमांचही
पालन केलं जायचं

घोड्यासारखं हात लावून
दहा, वीस, तीस…अशी आरोळी ठोकायची
आवाजाच्या स्वरात; दादागिरी मात्र नसायची

सारखं सारखं राज्य आलं तर
हताश नाही व्हायचो
कंटाळलो तरी राजीनामा नाही द्यायचो

धप्पा देण्यात;
विजयाच्या ललकारीही होत्या
पराजयाचा सुुःस्कारही होता
पण पाय खेचण्याचे प्रकार मात्र नव्हता

लपण्याच्या जागापण ठरलेल्याच,
जागेवरुन ऐनवेळी तंटेपण व्हायचे
पण त्यासाठी कोणी कोणाला
कोर्टात नाहीं न्यायचे

चकवा देण्यासाठी
शर्ट बदलले जायचे
पण स्वार्थासाठी कोणी
रंग नाही बदलायचे

आजही मी त्याच अंगणात उभा आहे,
राज्य घेण्याची भिंत बघतो आहे
धप्पा देणारयांची कुजबुज शोधतो आहे
लपंडावातली निरागसता हुडकतो आहे….
« Last Edit: March 29, 2013, 01:02:46 AM by sudhanwa »

Marathi Kavita : मराठी कविता


Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
Re: लप'डाव
« Reply #1 on: March 27, 2013, 03:58:00 PM »
Apratim kavita :)

Offline sudhanwa

  • Jr. Member
  • **
  • Posts: 56
  • Gender: Male
Re: लपंडाव
« Reply #2 on: March 29, 2013, 01:03:44 AM »
धन्यवाद केदार साहेब