Author Topic: म्हाताऱ्याच्या डेडबॉडी जवळ  (Read 1026 times)

Offline विक्रांत

  • Hero Member
  • *****
  • Posts: 1,550
साठ वर्ष संसाराची
म्हातारा म्हातारीची
खेड्यातील घरामध्ये
दोघेच राहत होते .
एकदा म्हातारा
खूप आजारी पडला
अचानक एका रात्री
मरुनिया गेला
घरात एकटी म्हातारी
कडी लावून बाहेर पडली
दूरवर शेजारी
आमच्या घरी आली
आणि म्हणाली
सांगायाला बर वाटत नाही,
पण मला फार
भीती वाटू लागली !
म्हातारा तर गेला
वाटले ,
मला घेवून गेला तर ?
आणि जर पुन्हा उठला
तो तोच नसला तर ?
जिता होता तोवर
कधी काही वाटले नाही
आजारपण काढले त्याचे
कमी केले नाही
पण गेल्यावर तो
आपला वाटत नाही .
भीतीने मन,
थिजून गेले बाई
तिच्या डोळ्यातून 
अश्रू वाहत होते
ते दु:खाचे होते का
भीतीच्या लाजेचे
मला कळलेच नाही .

विक्रांत प्रभाकर
« Last Edit: April 19, 2014, 01:00:48 AM by MK ADMIN »

Marathi Kavita : मराठी कविता


Offline Maddy_487

  • Jr. Member
  • **
  • Posts: 145
  • Gender: Male
shabd nahit..vikrantji

Offline विक्रांत

  • Hero Member
  • *****
  • Posts: 1,550
धन्यवाद maddy