Author Topic: सावज  (Read 1197 times)

Offline विक्रांत

  • Hero Member
  • *****
  • Posts: 1,550
सावज
« on: August 25, 2013, 09:20:25 PM »
तसे प्रत्येक स्त्रीला
हे माहित असते
ती केव्हाही कुठेही
होवू शकते सावज
कुठलाही चेहरा
कधीही होवू शकतो
पाशवी कामांध पशु 
या जगात जिथे तिथे
लावलेले असतात
शेकडो फास
शेकडो पारध्यांनी
जे तिच्या न कळत
तिचे सर्वस्व
हिरावून नेवू शकतात
पुन:पुन्हा अन पुन:पुन्हा
मैत्रीच्या नाटकात
प्रेमाच्या आशेत
लग्नाच्या आमिषात
सावज पडतच असतात
एकटेपणी आडजागी
अनोळखी पशूंनी
केलेला हल्ला 
क्लेशकारक असतोच
अस्तित्वाच्या मुळावर
आघात करणारा
पण त्या विरुद्ध निदान
न्याय तरी मागता येतो
अन त्या पशूंना
कधीकधी तरी
कोंबता तरी येते
कारागृहाच्या अंधारात
पण मैत्रीच्या सावलीत
प्रेमाच्या हिरवळीत
नात्याच्या जवळकीत
लपलेल्या सापांचे
काय करायचे
त्यांना कसे ठेचायचे
हा मोठा  प्रश्न आहे

विक्रांत प्रभाकर
« Last Edit: April 19, 2014, 12:57:21 AM by MK ADMIN »

Marathi Kavita : मराठी कविता


Offline aspradhan

  • Jr. Member
  • **
  • Posts: 187
  • Gender: Male
  • कविता म्हणजे भावनांचं चित्र!
Re: सावज
« Reply #1 on: August 30, 2013, 05:43:13 PM »
हे सत्य आहे . पण या वर काहीच करू शकत नाही का आपण ?आपण समाजाची मानसिकता बदलायला हवी .

Offline विक्रांत

  • Hero Member
  • *****
  • Posts: 1,550
Re: सावज
« Reply #2 on: August 31, 2013, 10:19:29 PM »
<<<<पण या वर काहीच करू शकत नाही का आपण ?>>>>
सावित्री फुले यांच्या वेळचे स्त्रीजीवन अन आजचे स्त्री जीवन यात असलेला फरक पाहता ,झालेले बदल उत्साह दर्शक आहे .आपण(समाज) अधिकाधिक संवेदनशील होत जाणे . ती संवेदनशीलता  पसरवत जाणे .सावध होत जाणे . सक्रीय  होणे . हे घडले तरी खूप बदल होतील .या व अश्या घटना शून्य तर होणार नाहीत पण त्यांचे प्रमाण नगण्य करता येणे तरी  शक्य आहे .
धन्यवाद .