Author Topic: गर्दी आणि चेव  (Read 914 times)

Offline विक्रांत

  • Hero Member
  • *****
  • Posts: 1,550
गर्दी आणि चेव
« on: September 21, 2013, 06:46:17 PM »
गर्दी म्हटले
कि एक गोष्ट
नक्की आढळते
ती म्हणजे चेव
त्यातही ती गर्दी
समवयस्क समविचारी
बिनधास्त अन उद्दाम
असेल तर..
उफळणारी मस्ती
नकोसा करते जीव
तथाकथित शांतीप्रिय
निरुपद्रवी नागरिकांचा
कर्कशता कटुता
उपद्रव यात पूर्णतः
ढवळून निघूनही 
हाताची घडी
तोंडावर बोट
कारण आम्ही
उत्सवप्रिय आहोत
देवाच्या धर्माच्या
नावावर बोलायची
काय कुणाची
आहे हिम्मत
आणि हा बादरायण
संबध लावूनच
साजरे होतात
सारे धुडगूस
उडवले जातात
किमती फटके
उधळले जातात
पोत्यांनी गुलाल
तुमच्याच त्या
अनिच्छेने
दिल्या गेलेल्या
वर्गणीतून
विकत घेतलेले
फुकटचे मनोरंजन
मादक द्रव्यात
येते फसफसून

विक्रांत प्रभाकर
« Last Edit: April 19, 2014, 12:51:07 AM by MK ADMIN »

Marathi Kavita : मराठी कविता