Author Topic: इनकाऊंटरची बॉडी पाहून ..  (Read 1125 times)

Offline विक्रांत

  • Hero Member
  • *****
  • Posts: 1,539
एक गोळी सुटते
एक जीवन संपते
एक विश्व हरवते
मेंदूच्या पोकळीत
लुकलुकणाऱ्या
हजारो आठवणी
स्मृतीचे पुंज
विझून जातात
एका क्षणात....

पोलीस म्हणाला
तो गुंड होता
नामचीन
केले होते त्यानं
अनेक खून
घेतल्या खंडण्या
घातले दरोडे
तरीही
इनकाऊंटरवरच्या वेळी
तोही धावला तसाच
प्राणपणान
अन झाला होता
गलितगात्र
पाहून मृत्यू समोर ..

नाकारून त्याला
साऱ्यांनी आपला गळा
होता सोडवून घेतला
शेवटी सर्वांच्या
पाया पडून
रडून भेकून
पत्करावच लागलं
होतं त्याला मरण..

त्याच्या आठवणी
घराच्या दाराच्या
बायकोच्या पोराच्या
आईच्या बापाच्या
शाळेच्या मित्रांच्या
सुखाच्या दु:खाच्या
मैत्रीच्या सुडाच्या
गेल्या होत्या संपून 
ब्लँक आउट होवून....

समोर होता तो
एक निरुपद्रवी
सर्वसाधारण दिसणारा
साडेपाचफुटी देह
अचूक गोळ्यांनी
मर्मस्थानी विंधलेला
त्यान केलेला
एकही गुन्हा
मला माहित नव्हता
तोही मला माहित नव्हता
तरीही तो तरूण देह
संपवावा लागला असा
याच दु:ख माझ्या मनात
दाटून आल होत 

विक्रांत प्रभाकर

« Last Edit: April 19, 2014, 12:38:55 AM by MK ADMIN »

Marathi Kavita : मराठी कविता


Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
पाच अधिक नाऊ अधिक शून्यं  किती ? (answer in English number):