Author Topic: साक्षी ...  (Read 697 times)

Offline विक्रांत

  • Hero Member
  • *****
  • Posts: 1,550
साक्षी ...
« on: March 11, 2014, 08:29:52 PM »
साक्षीला नसतो आधार आकार
मंत्रध्वनी अन श्वासांचा प्रकार |
अद्भुत निळूल्या प्रकाशी अपार
साक्षीला भेटतो यार दिलदार |
साक्षीला नसे करणे सवरणे
कुणास अथवा काहीही मागणे |
अपेक्षे वाचून एकांती रमणे
जाणीवी नेणीवी स्वानंद भोगणे |
साक्षीला नसते नटणे दिसणे
आपल्यातच वा रडणे कुढणे |
मागीतल्या वाचून अवघे देणे
रंग रूप काया कुर्बान करणे |
शोधल्या वाचून कुणास शोधणे
हरवल्या विन हरवून जाणे |
आतल्या दिव्याचे क्षणात पेटणे
तेलवाती विन अखंड जळणे |

विक्रांत प्रभाकर
« Last Edit: April 19, 2014, 12:22:26 AM by MK ADMIN »

Marathi Kavita : मराठी कविता