Author Topic: भगवा  (Read 1424 times)

Offline विक्रांत

  • Hero Member
  • *****
  • Posts: 1,550
भगवा
« on: March 14, 2014, 10:34:07 PM »
निळ्या आकाशी फडफडणारा
जरी पटक्यातील भगवा माझा ||
शिवरायांच्या पराक्रमाचा
नीतीयुक्ती अन दूरदृष्टीचा
कृतार्थ हिंदू तप्त मनाचा
हुंकार हसरा भगवा माझा ||
समर्थांच्या कृपाबळाचा
ज्ञान वैराग्य आदर्शाचा
पिढ्यापिढ्यांनी सांभाळला
जागृत वसा भगवा माझा ||
तोरणगडी फडफडला जो
अटक पार करुनी आला
बुलुंद मराठी अस्मितेचा
कणा ताठ हा भगवा माझा ||
अजून ध्वज तो फडफडतो
जगण्याचे मज बळ देतो
वादळ वारे ऊन झेलता
पाठीराखा हा भगवा माझा ||

विक्रांत प्रभाकर

« Last Edit: April 19, 2014, 12:21:49 AM by MK ADMIN »

Marathi Kavita : मराठी कविता