Author Topic: विटाळशी ??  (Read 773 times)

Offline विक्रांत

  • Hero Member
  • *****
  • Posts: 1,550
विटाळशी ??
« on: April 01, 2014, 11:22:56 PM »


आजवर दबले गेलेले बंड
आता नक्कीच पेटणार
यज्ञ म्हटले कि त्यात
काही समिधाही पडणार
काही जरी झाले तरी
आता मागे हटू नका

ते जुनाट मंत्र म्हणतील
भरपूर तूप ओततील
ऋत्विज धारण करतील
सारी सूत्रे पुन्हा एकदा
हाती घेवू पाहतील
त्या त्यांच्या हिकमतीला
पण फशी पडू नका

ते पुन्हा तुम्हाला सजवतील
वाजत गाजत नेतील
हसू नका हुरळू नका
यज्ञबळी होऊ नका
यज्ञकर्मी तुम्ही यज्ञवन्ही
हे कधीच विसरू नका

दाढ्या जळतील
जळू द्या
मंडप पडतील
पडू द्या
शिव्या मिळतील
मिळू द्या
सृजनत्वाला विटाळशी
पण म्हणवून घेऊ नका

विक्रांत प्रभाकर

« Last Edit: April 19, 2014, 12:18:06 AM by MK ADMIN »

Marathi Kavita : मराठी कविता


Offline विक्रांत

  • Hero Member
  • *****
  • Posts: 1,550
Re: विटाळशी ??
« Reply #1 on: April 28, 2016, 11:33:18 PM »
 i remember this poem as issues of Shani temple and Trimbakeshawar temple are raised  .if we are equal then we are equal .