Author Topic: टक्का मागे आरक्षण  (Read 615 times)

Offline विक्रांत

  • Hero Member
  • *****
  • Posts: 1,550
टक्का मागे आरक्षण
« on: August 23, 2014, 08:50:16 PM »
बारा गावचा पाटील
टक्का मागे आरक्षण
देश सोडून निघाला
दूर दृष्टीचा ब्राह्मण

टक्का हवा प्रत्येकाला
जातीमध्ये राखलेला
प्रजा नागडी रानात
तिला कधी ना कळला
 
देश जातीत बांधला
देश जातींनी तुटला
देश नकाशी उरला
फक्त झेंडा वंदनाला

अशी जातींची डबकी
वर्ष हजार कुजली
धरू धरुनि किड्यांनी
प्रजा वाढ वाढवली

ज्यांनी संपवावी जात
त्यांनी बलवान केली
क्षुद्र करंट्या अंधांनी
घरे भरुनी घेतली

राष्ट्र हवाय कुणाला
धर्म हवाय कुणाला
साऱ्या जातीचेच राज्य
सुख हवंय वंशाला

विक्रांत प्रभाकर

« Last Edit: August 26, 2014, 09:50:50 AM by MK ADMIN »

Marathi Kavita : मराठी कविता