Author Topic: बैरागी  (Read 529 times)

Offline विक्रांत

  • Hero Member
  • *****
  • Posts: 1,550
बैरागी
« on: September 11, 2014, 10:01:01 PM »
घर दार टाकुनिया   
नांवगाव पुसलेले 
बेवारस अस्तित्वाचे
बैरागी दूर निघाले   

हातामध्ये झोळी काठी
वर केस बांधलेले
लुंगी शाल देहावर
भाळी नाम कोरलेले
 
जगामध्ये असूनही
सारे जग तुटलेले
सरलेल्या जीवनाचे
ओझे खोल गाडलेले

कुणी अलिप्त अबोल
तुळस भांगेमधले
कुणी धुरात पांढऱ्या
स्व:खुशीने गुंतलेले

अन्नासाठी जरी कुणी
वेषांतरही केलेले
कुणी चिंता सोडूनिया 
देहाला लाथ मारले

या चेहऱ्या नाव असे   
मेंदूमध्ये लिहिलेले
प्रीती स्मृती गोष्टी किती
उरामध्ये जपलेले

काही पाने सुटलेली
कवितेच्या वहीतली
घडीच्या होड्या होवून
जलधारेत पडली

कुणीतरी लिहितांना
अर्धी वा टाकूनी दिली
एक उदास कहाणी
शेवट न सुचलेली

विक्रांत प्रभाकर

« Last Edit: September 12, 2014, 10:06:17 AM by MK ADMIN »

Marathi Kavita : मराठी कविता